চান্দেল দিষ্ট্রিক্ট অসি মে 13, 1974 দা শেমখি। দিষ্ট্রিক্ট অসি মণিপুরগী খা-নোংপোক্তা লেটিট্যুট 24o40′ N অমদি লোঙ্গিট্যুট 93o50′ E দা লৈ। মসি স্কুৱার কি.মি. 2,100 পাক-চাউবগা লোয়ননা ষ্টেটকী বোর্দর দিষ্ট্রিক্ট অমসু ওইরি। মসিগী খা অমসুং নোংপোক্তা ম্যানমার (হান্না বর্মা কৌরম্বা), নোংপোক্তা উখ্রুল দিষ্ট্রিক্ট, খা অমসুং নোংচুপ্তা চুরাচান্দপুর দিষ্ট্রিক্ট, অমদি নোংচুপ্তা থৌবাল দিষ্ট্রিক্টকা থংননা লৈরি। মসি ইম্ফালদগী কি.মি 64 রোম লাপ্পী। নেসনেল হায়ৱে নম্বর 39 না দিষ্ট্রিক্ট অসি ফাউদুনা চৎলি। দিষ্ট্রিক্ট অসিদা জাতি কয়ামুক্না খুন্দারি। মসিদা তোঙান-তোঙানবা ত্রাইব 20 লোম্না লন্না লন্না খুন্দারি। মখোয়না দিষ্ট্রিক্ট অসিগী মফম পুম্নমক থুংনা শন্দোক্লি। দিষ্ট্রিক্ট অসিদা খুন্দারিবা মরুওইবা ত্রাইবশিংদি অনাল, লমকাং, কুকি, মোয়োন, মোনসাং, চোথে, থাদৌ, পাইটে, মরিং অমদি জৌ অসিনচিংবনি। মফম অসিদা মৈতৈ, অমদি মুসলিমশিংসু (মৈতৈ পাঙল) খুন্দারি, অদুবু মখোয়গী মশিংদি অতৈ ত্রাইবশিংগা য়েংনরুবদা নেম্মী। নেপালি, টামিল, বেঙ্গলী, পঞ্জাবী অমদি বিহারীগুম্বা নন-মণিপুরীশিংসু দিষ্ট্রিক্ট অসিদা খুন্দারি। ষ্টেট অসিগী ইন্টরনেসনেল ত্রেদ সেন্টর ওইরিবা মোরে টাউন অসি দিষ্ট্রিক্ট অসিগী খ্বাইদগী খা থংবা শরুক্তা লৈরি। ত্রান্স-এসিয়ন সুপর হায়ৱে লৈরকপা মতমদা, চান্দেল দিষ্ট্রিক্ট অসি এসিয়াগী লৈবাকশিংগী গেটৱে অমা ওইরক্কনি। শোত্থরিবা দিষ্ট্রিক্ট অমনি হায়না খন্নরগসু, লৈবাক অসিগী সেফটীগী মতাংদদি চান্দেল অসি শোত্থদে। ভারতকী শহিদশিংগী মমিং পরেংদা য়াউরিবা, কার্গিল লান্দা লৈবাক্কীদমক্তা মথৱাই কৎখিবা চারা নিকোলাস মোয়োন, এস. গেমিথাং, অমদি এন.এল বেনাইংবির মোয়োনগী মিংবু মীপুম খুদিংনা তুংকোইনা নিংশিংদুনা লৈগনি। দেমোগ্রাফী মীশিং সেন্সস নুপা নুপী অপুনবা স্কুয়ার কি.মি.দা ওইবা দেন্সিটী 2001 59,741 58,586 118,327 36 2001 74,579 69,603 144,182 43 লিটরেসি রেট সেন্সস নুপা নুপী অপুনবা 2001 64.30 48.00 56.20 2001 77.93 63.26 70.85 অঙাংগী মীশিং (মশাগী চহি 0-6) নুপা নুপী অপুনবা 8,595 7,901 16,496